LAOAG CITY – Inpakaammo ni Mayor James Bryan Alcid a mangkitkita da ti lokasion no pangikabilanda ti nagduduma pay a Bamboo Waiting Shed and Charging Station ditoy ciudad ti Laoag.
Segun kenni Alcid, plano pay ti Department of Science and Technology ti mangipaay wenno mangidonar iti Bamboo Waiting Shed and Charging Station ditoy ciudad.
Inbatad na a mangkitkita da pay iti mabalin da a pangikabilan tapno ad-ado pay dagiti matulungan nga umili.
Malaksid iti daytoy, kuna ti mayor a nagidonar pay ti Department of Science and Technology iti solar panels iti landfill tapno bumaba ti kuryente iti lugar.
Kabayatanna, nagyaman ti mayor kadagiti tulong nga inpaay ti Department of Science and Technology ditoy ciudad ti Laoag.
Maipalagip a ti cuidad ti Laoag iti nag-host babaen iti Department of Science and Technology iti National Science and Technology Week 2025.
