LAOAG CITY – Isagsaganan ti Department of Transportation (DOTr) ti P2.5 billion a pondo para iti fuel subsidy dagiti driver ken operator ti pampasahero a lugan karaman dagiti unconsolidated Public Utility Vehicles (PUVs).
Basar iti Department of Transportation, katulungan da ti Land Transportation Franchising and Regulatory Board, Department of the Interior and Local Government, Department of Information and Communications Technology, ken Landbank tapno masigurado nga alisto ken naurnus ti pannakaibunong ti ayuda.
Sakbay nga ipatungpal ti panagibunong ti ayuda ket masapil a makaala nga umuna ti sertipikasyon manipod iti Department of Energy ti ahensya a ti presyo ti Dubai crude oil ket nalablabes ngem $80 ti kada barells ti langis iti uneg ti maysa a bolan, banag a saan pay a natungtungpal gapu ta adda paylaeng iti $75.16 iti agdama.
Kabayatanna, nagpanawagan met ni Senador Raffy Tulfo iti Bureau of Fisheries and Aquatic Resources a nayunan ti subsidiya dagiti mangngalap nga agus-usar ti motorized boats.
Mapatta-patta nga adda ti 200,000 a fisherfolk ti mairanud iti nasao a programa.
