LAOAG CITY – Saan nga epektibo ti flood control projects no awan ti naurnos a koordinasion ti national government ken dagiti lokal a gobierno.
Inbatad ni Department of Public Works and Highway (DPWH) Secretary Vince Dizon a nakatulong ti panagtitinnulong ti ahensia ken gobierno siudad iti panangkita ken panangresolbar kadagiti problema pakairamanan ti panagserra kadagiti floodgates ken panagoperar kadagiti pumping stations.
Inladawan ni Dizon ti Navotas a dati a masansan a malaylayus ngem saan a nakapasar ti nakaro a layus iti baet ti sumagmamano nga aldaw a napasaran ti napigsa a tudo.
Agtultuloy ti assessment ken audit ti gobierno kadagiti flood control project tapno maammoan no ania ti agop-operar ken ania ti nasken nga urnosenda.
Inpetteng ni Dizon a kasapulan nga ikorehir dagiti palpak a proyekto tapno masigurado nga epektibo ken pudno a pakabenepisiaran dagiti komunidad.
Kabayatanna, kunana nga iti Ombudsmanti agtignay no adda ti pagsungsungbatan dagiti lokal a gobierno.
