LAOAG CITY – Nakasagana nga ipakita ni Department of Public Works and Highways (DPWH) Secretary Manuel Bonoan ti Statement of Assets, Liabilities, and Net Worth wenno SALN-na.
Daytoy ket kas sungbatna iti nagbalin a pammilin ni Presidente Ferdinand Marcos Jr. a mangiwayat ti lifestyle check kadagiti amin nga opisial ti gobierno.
Ginutigotna ti publiko nga i-report iti baro a nabukel nga Anti-Corruption Task Force ti Department of Public Works and Highways dagiti kwestionable a proyekto ti nasao nga ahensia.
Kumpiansa ti sekretario nga adda latta ti naiget a panagtalek kenkuana ti Presidente gapu ta inbilinna daytoy nga iyalisto ti imbestigasion mainaig iti maanomalya a flood control projects.
Kalikagumna a mapagsungbat dagiti amin a karaman iti maanomalya a proyekto.
