LAOAG CITY – Inpanakkel ti Department of Social Welfare and Development (DSWD) dagiti kangrunaan a programa ken balligi na iti pananglaban ti kinarigat, panangpapigsa ti human capital, proteksyon dagiti sektor nga agkasapulan, ken panangsango kadagiti kalamidad.
Inaramid ti DSWD dagitoy sakbay ti maikalima nga State of the Nation Address (SONA) ni Presidente Ferdinand Marcos Jr.
Maysa kadagiti kangrunaan a programa ti ahensya ti Walang Gutom Program, no sadinno a mangipapaay ti gobierno ti P3,000 a binolan a food credits kadagiti pamilya a makapaspasar ti nakaro a panagkurkurang ti taraon.
Iti agdama, addan ti sumuruk-kumurang nga 600,000 a pamilya ti mairanranud iti programa.
Target met ti DSWD a magun-od ti 750,000 food-poor households sakbay nga agngudo ti tawen tapno ad-ado a pamilya nga agkasapulan ti matulungan.
