LAOAG CITY – Mangnamnama ti Department of Trade and Industry (DTI) a maipaayan ti akreditasyon ti 10 a vape firms sakbay nga agngudo ti agdama a tawen.
Inlawlawag ni Trade Secretary Cristina Roque a ti laeng gagem da ket ag-comply ken agrehistro dagiti vape firms iti opisina da tapno masigurado a masursurot ti standards dagiti mailaklako a vape.
Ita laeng a bolan ket inparuk-at ti Department of Trade and Industry ti nagan dagiti 10 a vape brands a mapalubusan nga aglako kadagiti produkto da iti merkado.
Ti regulasyon dagitoy a produkto ket adda iti babaen ti Republic Act No. 1190 wenno Vape Act, a napagbalin a linteg idi Hulyo 2022, idinto a ti implementing rules and regulations (IRR) ket naiparuk-at idi Disyembre ti kapada na metlaeng a tawen.
