LAOAG CITY – Naiget ti panangmonitor ti Department of Trade and Industry iti Suggested Retail Price kadagiti noche buena products kadagiti establishimento ditoy siudad ti Laoag sumagmamano nga aldaw sakbay ti paskua.
Daytoy ti inpakaammo ni Mr. Dominador Alberto, mangidadaulo ti Consumer Protection ti Department of Trade and Industry.
Segun kenkuana, basar iti insayangkatda a monitoring ket stable wenno nagtalinaed ti presio dagiti mailaklako a noche buena products.
Inbatadna nga amin a produkto para iti holiday season ket magatang iti presio maibasar iti naikeddeng a Suggested Retail Price wenno nababba ngem iti daytoy.
Inlawlawagna a no bilang adda ti naglabsing iti nasao a pagannurotan ket dagusda nga i-report iti Head Office tapno isuda ti mangidanon kadagiti manufacturers maipanggep iti daytoy.
