LAOAG CITY – Naiyalud-od ti price freeze para iti basic goods wenno dagiti kangrunaan a magatgatang agingga inton Mayo 10, basar iti Department of Trade and Industry (DTI).
Daytoy ket kagiddan dagiti katulagan iti nagbaetan dagiti manufacturers ken retailers.
Maipalagip nga inisyal a naikeddeng ti price freeze agingga inton Abril 30.
Inbatad ni Trade Secretary Maria Cristina Aldeguer-Roque, immannugot dagiti manufacturer ken retailers nga iyalud-od pay ti price freeze para iti basic necessity ken prime commodities basar iti kaudian a panagtataripnongda.
Naipatungpal ti pannakaiyalud-od ti price freeze kalpasan dagiti konsultasion iti industry stakeholders kas paset ti panangikagumaan a mapagtalinaed nga stable ti presio dagiti kangrunaan a magatgatang.
Kunana a makita met a nakatulong ti panagbaba ti presio ti langis iti desision nga awan ti panaggaraw kadagiti presio dagiti basic good.
