LAOAG CITY – Kinumpirmaran ni Dr. Loida Valenzuela, ti Provincial Veterinarian ti pannakatiliw dagiti dua nga indibidual a nangiserrek kadagiti 23 a burias ditoy probinsya.
Segun kenni Valenzuela, timmawag kenkuana ti livestock coordinator ti ili ti Pasuquin a nangipakammo kenkuana nga adda ti natiliwan na bayat a mapan da agpakilo iti slaughter house.
Inbatad na a nasdaaw ti maseknan gapo ta panggalong dagiti maseknan isut gapo na a sinaludsod na no naggapoan da agingga a naduktalan na a saan a naggapo ditoy probinsya dagiti 23 a burias.
Kunana a kalpasan a naamoan na daytoy ket binilin na dagitoy a saan da nga ipalubos a makaruar ken dagus da a nagturong iti ili ti Pasuquin, kadua na dagiti kameng ti pulisya ken iti Municipal Agriculture Office.
Basar kenni Valenzuela, ti ummuna nga inbaga dagiti dua a lallaki ket naggapo iti Tagudin, Ilocos Sur dagiti taraken ken awan pay ti naipakita dagitoy a dokumento.
Inlawlawag na nga inbatad ti tinawagan na iti Ilocos Sur nga ado ti checkpoint iti nadakamat a probinsya ngem saan a madlaw nga adda ti baboy iti nangiluganan dagiti maseknan.
Dinakamat na pay nga ipapilit ti maseknan a naggapo a maysa a dakkel ng aaccreditd farm iti nadakamat a probinsya dagiti baboy ngem naberipikar da a saan a gimmatang daytoy kadagiti taraken iti napalabas a dua a bulan.
Mainaig iti daytoy, naisyuan ti citation ticket dagiti maseknan ken nagmulta ken ti nakailuganan dagiti baboy ket nadisinfect.
Kabayatanna, pinalagipan ni Valenzuela ti publiko a sumurot kadagiti pagalagadan a saan nga agiserrek kadagiti baboy ditoy probinsya.
