LAOAG CITY – Inbatad ni Mr. Arvin Lumang, mangidadaulo iti City Disaster Risk Reduction Management Council Office iti ciudad ti Batac nga adda ti dua a pamilia ti naibakwiten manipud iti Brgy. Rizal iti ndakamat a siudad gapu iti panagtutudo gubuay ti Super Typhoon Carina.
Segun kenkuana ket adda ti 1, 185 nga indibidual manipud iti 11 a barangay iti nasao a ciudad ti naapektaran ti nasao a super Typhoon.
Innayonna, a dagiti naawatda a report a nadadael iti sektor ti agrikultura ket dagiti mula a nateng nga aggatad iti 24,000 pesos.
Mainaig iti daytoy nga adda dagiti naipadanon a report dagiti barangay officials a nadadael nga imprastaktura iti nadakamat a ciuadad.
Nupay kasta, adda dagiti maawat dagiti maipaay a tulong kdagiti mannalon a naapektaran iti Super Typhoon iti nasao a ciudad.
Kabayatanna, adda ti umno a relief goods a maipaay kadagiti naapektaran iti Super Typhoon Carina ken nakasagana dagiti rescue personnels a mapana agresponde iti aniaman nga insidente.
