LAOAG CITY – Arestaren ni Senador Ronald “Bato” dela Rosa no gandatenna a rummuar iti pagilian basar iti Department of Justice (DOJ).
Kinumpirmaran ni Justice Secretary Fredderick Vida a “valid” ti warrant of arrest ti International Criminal Court (ICC) ken inadmitirna ti pammilinna a panangarestar.
Inpettengna a resrespetarenna ti iparuk-at a pammilin ti Korte Suprema isut gapuna a saanna a kayat a sungbatan ti sumagmamano a saludsod ti media gapu kadagiti nakapenpen pay nga apela.
Iti saludsod no mabalin nga iti DOJ agpakustodiar ni dela Rosa, kuna ni Vida a “more than willing” ti DOJ.
Inadmitir ni Vida nga ammona ti panagturong ti NBI agents iti GSIS building. Immapela isuna iti media a tumulong nga iparuk-at ti kinapudno kadagiti napasamak iti Senado manipud Mayo 11 agingga 14 tapno saan a maulaw ti publiko.
Kabayatanna, pinirmaanen ni Vida ti Immigration Lookout Bulletin Order (ILBO) kontra ken ni dela Rosa.
Ti ILBO ket mangipasimudaag a naiget a bantayan ti border control authority ti aniaman a pananggandat ti senador a tumalaw ditoy pagilian.
