LAOAG CITY – Dead on the spot dagiti dua a lallaki kalpasan ti panagdinnungpar dagit dua a motorsiklo idiay Barangay Apatot-Lubong iti ili ti Pinili, Ilocos Norte.
Nabigbig dagiti biktima a da Lanz Sanggir, estudyante ken residente idiay Barangay Maglaoi, iti ili ti Currimao ken ni Reynante Miranda, pintor dagiti lugan ken residente sa Barangay Gabut Sur iti ili ti Badoc.
Segun kenni Police Chief Inspector Jepreh Taccad, chief of police ti PNP-Pinili, agpaamyanan a direksyon ni Miranda idinto a ni Sanggir ken agpabagatan a paset ti kalsada.
Kunana a basar iti CCTV a nakaimuntar iti maysa a panganan iti Barangay Gabut-Norte it ili ti Badoc ket idi nakadanon iti kurbaan a paset ti kalsada ni Sanggir ket maipagarop nga immagaw ti linya a rason ti desgrasya.
Nagsagaba dagiti biktima ti ado ken nakana a sugat a rason ti pannakatay da.
Agtultuloy met ti imbestigasyon da seknan iti napasamak a desgrasya.
Nagpanawagan met ni Taccad a no nakainom ti nasanger ket saanen nga agmaneho tapno makaliklik ti anyaman a desgrasya.
