LAOAG CITY – Agtultuloy a maag-agasan dagiti dua a lallaki kalpasan a nagtinnagbat dagitoy idiay Barangay Man-anteng idiay ili ti Solsona.
Nabigbig ti biktima a ni Danny Chua y Lee, agtawen ti 68, balo, awanan ti trabaho idinto a ti suspek ket ni Joseph Pascual y Pavian, agtawen ti 53, naasawaan, maysa a mannalon ken agpada a residente ti Sitio 4, Brgy. Talugpog iti nasao nga ili.
Segun ti imbestigasyon, manarimaan nga agdaldalos ti biktima iti paraangan da idinto a dimteng ti suspek a nakaiggem ti sampilok a nagatiddog ti 14 a pulgada ken adda iti impluwensya ti nasanger.
Naamoan nga adda ti nabara a saan da a nagkinnaawatan rason a nangtagbatan ti suspek iti biktima iti nagduduma a paset ti bagi na.
Kalpasan daytoy ket naagaw ti biktima ti sampilok nga iggem ti suspek ken isu ti inusar a pianangtagbat kenkuana.
Nagsagaba dagitoy iti nagduduma a sugat iti bagi da ken naitaray iti Rural Health Untit (RHU) iti nasao nga ili ngem naiyakar dagitoy iti Gov. Roque Ablan Sr. Memorial Hospital ditoy ciudad ti Laoag.
Dati a susik ken saan a pinagkinnaawataan gapo ti kinabartek ti motibo ti napasamak a panagtagbat.
