LAOAG CITY – Nagdinnungpar dagiti dua a motorsiklo iti paset ti Gilbert Bridge ditoy ciudad ti Laoag.
Naamoan a bayat nga agpabagatan a direskyon ti motorsiklo nga inturong ni Arturo Sales Lorenzo Jr, agtawen ti 38, awanan ti asawa ken residente iti Barangay 1 ditoy ciudad ti Laoag ket maipagarop a dinungpar na ti maysa a motorsiklo.
Nabigbig ti driver ti maysa a motorsiklo a ni Renato Ticar Ririvery, taga Barangay Balacad iti met laeng nasao a ciudad nga agturong met laeng iti nadakamat a direksyon.
Nupay kasta, saan a nagsagaba ti sugat dagiti driver ken dagiti motorsiklo ket adda iti kustudiyar ti PNP-Laoag.
