LAOAG CITY – Kinumpirmaran ni Police Major Vencioly Luzano, ti chief of police ti PNP-Pasuquin ti pannakatiliw dagiti dua nga indibidual gapo iti iligal a panag-quarry iti Barangay Sulbec.
Binigbig na dagiti dua a da hon Mar Cantuba, driver ti truck ken ni Jomar Leal, driver ti payloader, agpada nga adda iti umno a tawen, residente met laeng iti nasao nga ili.
Segun kenni Luzano, ti truck ket nagkarga ti batbato ken dagitoy ket maipan kuma iti Barangay Ngabangad iti nadakamat met laeng nga ili.
Kunana nga iti pannakatiliw dagitoy ket awan ti naipakita da a quarry permit ken delivery receipt isut gapo na a naisyuan dagitoy ti ticket.
Inbatad na pay a ti agtagikua kadagiti du nga equipment a nausar iti iligal a panag-quarry ket ni Sang. Bayan Member Dante Viernes.
Maipalagip a karaman pay a nagresponde ket napan dagiti pannakabagi ti Municipal Environment and Natural Resources Office wenno MENRO ken Provincial Quarry Office.
Kabayatanna, iti agdama ket adda iti kustodyar ti PNP Pasuquin dagiti dua a lugan para iti naan-anay nga imbestigasion.
