LAOAG CITY – Balligi ti inyuswat ti Provincial Special Enforcement Team iti Ilocos Norte Police Provincial Office nga anti-illegal quarry operation iti Barangay 7-B ditoy ciudad ti Laoag.
Nabigbig dagiti violators nga isuda Cesar Agbayani, agtawen ti 57, naasawaan, backhoe operator, residente iti Barangay 10, Parparoroc iti ili ti Vintar, ken ni Joseph Hernando, agtawen ti 52, driver ti mini-dumptruck ken residente iti Barangay Cabungaan ditoy ciudad ti Laoag.
Naiyisoan da Agbayani ken Hernando ti citation ticket gapu iti panaglabsing da iti provincial quarry ordinance partikular ti panagibiyahe da ti solid waste material nga awan ti umiso a dokumento da.
Gapu iti daytoy, naimpound ti mini-dumptruck iti provincial motorpol idinto a ti backhoe ket naipasidong ken ni Barangay Chairman Joey Agliam iti Barangay 7-B ditoy ciudad.
