LAOAG CITY – Natay ti dua nga opisyal ti gobierno ti Ghana kalpasan a nagswek ti nagluganan da nga helicopter iti central Ashanti region.
Karaman iti pakabuklan a walo a tattao a natay da Defence Minister Edward Omane Boamah ken Environment, Science and Technology Minister Ibrahim Murtala Muhammed.
Basar iti inisyal nga imbestigasyon ti Ghana Armed Forces, ti helicopter ket nagluganan ti tallo a crew ken lima a pasahero ken napukaw iti radar da.
Naamoan nga aggapo dagitoy iti Accra ken agturong da koma iti gold-mining iti ili ti Obuasi para iti maysa a national event.
Agtultuloy ti imbestigasyon mainaig iti nasao nga insidente.
