LAOAG CITY – Agtultuloy ti panangabak ni Alex Eala iti international tennis scene kalpasan a nakastrek daytoy iti Round of 16 ti Canadian Open.
Iti laban kontra ken ni Caty McNally ti United States, impakita ni Eala ti determinasionna iti uneg ti court.
Iti immuna a paset ti ay-ayam, bimmawi ni Eala manipud iti nabayag a rugina nga agiskor kalapasan ti nagsasaruno nga iskorna a rason tapno maalana ti iskor iti umuna a set 6-3.
Iti maika-dua a set, simmungbat met ni McNally a rason ti panangabakna iti maika-dua a paset ti laban 7-5.
Iti katengngaan ti labanda, nagkiddaw ni Eala ti medical timeout kalpasan a naigalis daytoy a rason ti panagsagabana ti temporario a panagsakit ti palay-palayna ngem saan daytoy a nagpaatiw o sadinno ket intuloyna latta ti laban.
Iti maika-tallo a set nakontrolen ni Eala ti momentum a rason ti panagleppas ti 3rd set iti iskor a 6-4.
Gapu iti daytoy, manamnama a sumaruno a makalaban ni Eala ti Swiss 12th seed a ni Belinda Bencic.
