LAOAG CITY – Isayangkat ti Provincial Environment and Natural Resources (PENRO) ti programa nga Ecolympics inton Hunio 30 iti dakkel a mall ditoy siudad ti Laoag.
Inpakaammo ni Mr. Jogie Jimenez, iti pannakangiwat ti nasao nga opisina, nga iti programa ket adda ti maangay a quiz bee, eco talks ken pannakaitampok dagiti arwaten a naaramid manipud kadagiti retaso.
Daytoy ket iti babaen ti pannakikinnammayet iti Department of Education (DepEd) ken nagduduma pay a Local Government Units (LGUs).
Maipalagip a nangisangkat manen ti nasao nga aktibidad idi napalabas a tawen no sadinno nga iti babaen daytoy ket agtultuloy ti pannakaipalagip ti opisina iti publiko a napateg ti panangtagiben iti aglawlaw.
