LAOAG CITY – Inpakaammo ni Pinoy pole vaulter EJ Obiena a saan a makisalip iti aniaman a torneo ita a tawen.
Segun kenkuana a naburak ti fracture iti spine-na, isu a binalakadan dagiti doktor nga aginana ken umimbag.
Mainaig iti daytoy, adda ti tallo pay a torneo a pakipagpasetan ni Obiena ita a tawen iti ISTAF Berlin, Zurich Diamond League, ken Diamond League sakbay nga agsubli iti pagilian.
Ngem kalpasan ti pannakipasetna iti Silesia Diamond League, nasakit manen ti bukot ni Obiena a nabayagen a marikriknana.
Rimmuar iti CAT scan-na a na-fractured ti L5 vertebra-na.
Tapno saan a kumaro ti injury-na, inkeddengna a kanselaen dagiti pakipasetanna a torneo a pakairamanan ti Philippine Pole Vault competition a naituding inton Setiembre 20.
Kabayatanna, inpasiguradona nga inton 2025 ket agsubli iti nagduduma a torneo.
