LAOAG CITY – Nagun-od ti silver medal a ni Pinoy pole vault star EJ Obiena iti International Jump Meeting Cottbus 2025 a naisayangkat idiay Germany.
Daytoy ti kaunaan nga indoor game ni Obiena kalpasan ti sumagmamano a bulan a panaginanana gapu iti injury iti likudna kalpasan ti Paris Olympics.
Nagleppas ti 5.65 meters clearance ti Asian ken Southeast Asian Games champion isu a nagun-odna ti maikadua a puesto.
Indauloan met ti torneo ni Sam Kendrick ti Estados a nakairekord ti 5.75 meters.
Ginandat ni Obiena a dumanon iti 5.75 meter tapno magun-od ti balitok a medalya ngem napaay daytoy iti tallo nga attempt.
Mangnamnama ni Obiena a magun-od ti Number 2 world ranking gapu ta iti agdama ket adda iti maikapat a puesto.
