LAOAG CITY – Rinugyanen ti Department of Social Welfare and Development (DSWD) ti nakikadwa iti non-government organization a Rural Rising Philippines, a mangisayangkat ti rescue buys tapno matulungan dagiti mannalon kadagiti nagduduma a probinsia a mangilako kadagiti produkto da iti baet ti nangina a transportasyon.
Inlawlawag ni Department of Social Welfare and Development Secretary Rex Gatchalian nga arigna panagdinnungpar ti dua a tumatayab babaen ti maysa a bato gapu ta ti ahensya ket kabaelan na nga i-stock ti soup kitchen, ti Walang Gutom Kitchen iti Pasay City, babaen ti regular a suplay ti nateng ken prutas, kabayatan ti panangsuporta na pay iti sektor ti agrikultura.
Inbatad met ni Rural Rising Philippines co-founder Andie Estrada a namnamaen na a makitinnulong da pay dagiti dadduma nga ahensia ti gobierno iti panaggatang da kadagiti produkto a direkta manipud kadagiti mannalon ken iti umno a presio.
Innayon na a nabayagen a makilablaban dagiti mannalon iti oversupply ken logistics issues kabayatan ti panagapit, ngem naobserbaran na no kasanu a pinakaro ti krisis iti enerhiya ti sitwasyon dagitoy.
