LAOAG CITY – Inpangato ti Civil Aeronautics Board (CAB) manipud Level 18 ket nagbalin a Level 19 ti fuel surcharge para iti Abril 16 agingga 30.
Daytoy ket iti baet ti krisis iti langis gapu iti gubat iti Middle East.
Iti babaen ti Level 19, agbayad dagiti pasahero ti nayon a ₱627 agingga ₱1,834 para iti domestic flights depende iti distansia.
Para met iti international flights, ti fuel surcharge ket ngumato manipud ₱2,070.77 agingga ₱15,397.15.
Gapu iti daytoy, namnamaen ti panagngato ti plete iti eroplano pakairamanan iti cargo aircrafts.
Immunan nga adda ti pammalubos ti Transportation Department iti Civil Aeronautics Board tapno mangipangato iti fuel surcharge kalpasan a dimmoble ti gatad ti jet fuel.
