LAOAG CITY – Nakagun-od ni Pinoy pole vaulter EJ Obiena ti silver medal iti Men’s Pole Vault International Springer-Meeting Cottbus 2025 idiay Germany.
Nagleppas daytoy ti 5.65 meters ken naalana ti maikadua a puesto.
Indauloan met iti torneo ni Sam Kendricks ti USA nga addaan ti 5.75 meters idinto a ti maikatlo a puesto ni Bo Kanda Lita Baehre ti Germany a nakairekord ti 5.65 meters.
Maipalagip iti napalabas nga aldaw ket nangibulsa ni Obiena ti balitok a medalya iti Orlen Copernicus Cup a maiyuswat idiay Poland.
