LAOAG CITY – Pimmartak ti panagdur-as ti ekonomiya ti pagilian iti umuna a kuarter ti 2024 kas maibasar iti Philippine Statistics Authority.
Basar iti Philippine Statistics Authority, ngimmato ti 5.7 percent ti gross domestic product idi immuna a kuarter, maidasig iti 5.5% idi 4th quarter ti 2023 ken 6.4% idi Enero agingga Marso 2023.
Inbatad ti gobierno idi Abril a manamnama a dumur-as ti ekonomiya iti nagbaetan ti 6.0% ken 7.0% ita a tawen.
Ti datos ket nangipakita iti panagginad iti 5.3% ngem nakairekord ti panagngato iti 4.6% iti umuna a kuarter. Dagiti panag-export dagiti negosio ken serbisio ket ngimmato ti 7.5% iti kaudian a kuarter manipod iti 2.5% a panagbaba iti napalabas a kuarter.
Kangrunaan a contributors iti alisto a panagngato ti ekonomiya ti financial ken insurance activities nga addaan ti 10.0 percent, wholesale ken retail trade ken repair ti motor vehicles ken motorcycles nga addaan ti 6.4% ken manufacturing nga addaan ti 4.5 percent.
Dimmur-as pay ti annual growths dagiti amin a major economic sectors kas ti agriculture, forestry ken fishing industry.
Kuna ni National Economic and Development Secretary Arsenio Balisacan, ti panagdur-as ti optimismo ket isu ti nangitunda ti panagngato iti sektor ti net exports a bimmangon iti 9.5%.”
Inlawlawag met ni Nicholas Antonio Mapa, ti Senior Economist iti ING Bank idiay Manila, ti panagdur-as iti umuna a kuarter ket supsuportaran ti net exports contribution.
