LAOAG CITY – Nagun-od ti England ti puesto daytoy para iti gagem a makastrek iti semifinals ti FIFA World Cup kalpasan nga inabakna ti Norway iti score a 2-1 iti maysa a risiris a quarter-final match nga immabot pay iti overtime.
Immabot pay iti tabla ti ay-ayam iti score a 1-1 kalpasan ti 90 a minuto a laban ti dua koponan.
Immuna a naka-score ti Norway iti maika-36 a minuto idi nangiparuk-at ni Andreas Schjelderup ti maysa a napintas a tira a nangipaay ti umuna a lamang iti koponanda.
Indauloan met ni Jude Bellingham ti England kalpasan a nakairekord ti dua a goal a nangipaay iti Three Lions iti maikatlo a FIFA World Cup semifinal appearance-da sipud idi 1966.
Iti extra time, tallo a minuto pay laeng ti napalabas idi naminsan manen a pimmigsa ti opensa ti England.
Nangiparuk-at ni Morgan Rogers ti maysa a long-range shot iti goal ti Norway.
Kabayatanna, kalpasan ti naisangsangayan nga ay-ayam ket sangoen ti England ti Argentina iti sumaruno a laban a nakairekord ti tallo a goal kalpasan nga inabakna ti Switzerland.
