LAOAG CITY – Napateg iti pananglaban iti panagwaras ti monkeypox iti pagilian ti epektibo a local contact tracing, basar iti Department of Health (DOH).
Segun ken ni Department of Health spokesperson Assistant Secretary Albert Domingo a nupay saan a maikidkiddaw ket adda ti karebbengan dagiti lokal a gobierno a maaddaan ti screening iti posible a monkeypox patients.
Basar iti United States Centers for Disease Control and Prevention, ti monkeypox virus ket addaan ti clades, ti Clade 1 a mangitunda ti ad-du a sakit ken pannakatay idinto a ti Clade 2 a maysa a ‘less severe virus’ a nangitunda ti global outbreak idi 2022.
Ita a lawas, inbilin ti gobierno kadagiti pasahero a sumrek ken rummuar ti pagilian nga ideklara no addaanda ti rashes, vesicles wenno blisters iti napalabas a 30 nga aldaw sakbay ti biaheda.
Manarimaan ti pannakikammayet ti Department of Health iti Food and Drug Administration tapno idauloan iti panagserrek ti antiviral treatments para iti monkeypox ditoy pagilian.
