LAOAG CITY – Agsagsaganan ti militar ti Estados Unidos para iti posibilidad ti agtultuloy ken sumagmamano a lawas nga operasion kontra iti Iran no ibilin ni United States President Donald Trump a rauten ti pagilian basar iti dua nga opisial ti Amerika.
Basar kadagiti opisial a nagkedked nga agpabigbig, nalawlawa ken ad-adda a seryoso ti plano ti operasion maidasig kadagiti immunan a military retaliation ti Estados Unidos.
Naammoan a naikeddeng a makitaripnong ti pannakabagi ti Amerika nga isuda Steve Witkoff ken Jared Kushner kadagiti pannakabagi ti Iran iti Geneva inton Martes no sadinno nga agserbi a bumallaet ti Oman tapno talantanen ti katulagan iti kinakappia.
Immunan nga inrakurak ni United States Secretary of State Marco Rubio nga ad-adda a kalikagum ni Trump ti maysa a katulagan iti Tehran ngem inadmitirna a narigat daytoy a magun-od.
Kabayatanna, agtultuloy ti panagadu ti puersa militar ti Estados Unidos iti rehion.
Kinumpirmaran dagiti opisial a mangipatulod ti Pentagon ti nayon nga aircraft carrier iti Middle East kadua ti rinibribu a tropa, fighter aircraft ken guided-missile destroyers.
