LAOAG CITY – Inpetteng ti Estados Unidos a nakalukat latta ti Strait of Hormuz a maisupadi daytoy iti rakurak ti Iran a nakaserra daytoy iti baet kadagiti baro a panangatake iti nagbaetan ti dua a pagilian.
Maipalagip a kimmaro daytoy a rinnupak iti napalabas a lawas kalpasan nga inbatad ti Amerika a natamaanda ti sumurok 140 targets iti Iran.
Kas panagibales daytoy kadagiti panangatake iti panangpuntiria iti Iran kadagiti barko a dumaldalyasat iti Strait of Hormuz a maipagarup nga agus-usar ti saan nga otorisado a ruta.
Naiget ti panangipetteng ti Iran ti kontrolna iti Strait of Hormuz ken inanunsio a nakaserra ti agingga ti kanayonan a pakaammo.
Inrugi met ti Islamic Revolutionary Guard Corps ti Iran ti nalawa a panangatake kadagiti base militar ti Estados Unidos.
Kabayatanna, inbatad ti United Arab Emirates, Qatar, Kuwait, Oman ken Bahrain ti panangibales ti missile ken drone strikes aggapu iti Iran.
Inrakurak ni United States President Donald Trump nga ituloyna dagiti dayalogo ken padasen dagiti mediator a pagbiagen ti peace process.
