LAOAG CITY – Mangiwaras ti United States military ti sumurok uppat a ribu a marines ken sailors iti kabaybayan iti paset ti Latin America ken Caribbean.
Gagem daytoy tapno ad-adda pay a mapaigetan ti pananglabanda iti drug cartels a sumsumrek iti Estados Unidos.
Adda ti naiwaras nga Iwo Jima Amphibious Ready Group (ARG) ken 22nd Marine Expeditionary Unit ti United States Southern Command ket paset metten iti nalawlawa a repositioning ti military assets iti SOUTHCOM area of responsibility.
Nagkiddawda pay ti pannakaiwaras ti nuclear-powered attack submarine, nayon a P8 Poseidon reconnaissance aircraft, sumagmamano a destroyers ken guided-missile cruiser.
Immunan nga inkabil ti United States military ti destroyers iti lugar nga adda iti asideg iti US-Mexico border idi Marso kas suporta iti United States Northern Command’s border security mission ken mangalay-ay iti presensia ti Amerika iti western hemisphere.
