LAOAG CITY – Naiyakaren ni dati a Department of Public Works and Highways (DPWH) secretary Manuel Bonoan iti Philippine National Police General Hospital (PNPGH), manipod iti Medical City Hospital.
Daytoy ti inpakaammo ni Philippine National Police Health Service director Police Brigadier General Portia Manalad.
Kuna ni Manalad nga agur-uray paylaeng ti Philippine National Police paro iti komprehensibo nga official assessment a nagibasaran ti pannakaiyakar ni Bonoan.
Immunan a na-evaluate ni Bonoan para iti hypertension, ngem iti idadalan na iti naan-anay nga eksaminasyon ket naduktalan ti dadduma payen a sakitna.
Idi laeng biernes ket dimmalan met ni Bonoan ti dua a dimensional echocardiogram ken angiogram, ngem uyur-uray paylaeng dagiti doktor ti resulta na sakbay nga agdesisyon no rumbeng a maagasan ti dati a sekretaryo iti ospital iti Camp Crame.
Maipalagip nga inrakurak ti Philippine National Police a ti Philippine National Police General Hospital ket Level 2 hospital ken kabaelan na ti mangipatungpal ti cardiac diagnostic procedures, pakairamanan ti 2D echocardiogram.
Nupay kasta, para iti ad-ado nga specialized tests, kas ti angiogram, ket maipatpatungpal iti Level 3 hospitals, kas ti Medical City.
Ni Bonoan ket boluntaryo a nagturong iti Criminal Investigation and Detection Group (CIDG) office idi Hunyo 1 kalpasan a nangiparuk-at ti korte ti arrest warrant mainaig iti P573‑million plunder ken graft charges.
