LAOAG CITY – Inlawlawag ti Armed Forces of the Philippines (AFP) nga awanen iti serbisio dagiti maipagarup a 18 a Marines a nagatendar iti panagdengngeg ti Senado idi Huebes.

Inbatad ni Armed Forces of the Philippines public affairs office chief Col. Xerxes Trinidad a saan nga amin a maseknan nga indibidual ket nagbalin a miembro ti Philippine Marine Corps (PMC) ken ti paulit-ulit a panagusar ti sarita a “Marines” ket maikonkonektar iti institusion ti Armed Forces of the Philippines wenno Philippine Marine Corps kadagiti anomalya.

Immunan nga inrakurak ni Philippine Navy spokesperson Capt. Marissa Martinez nga uppat kadagiti nasao nga indibidual ket saan a nagbalin a miembro ti Navy wenno Philippine Marine Corps.

Kabayatanna, idi saludsoden no mano kadagitoy ti dishonorably discharged, nagkedked met ni Martinez nga irakurak no mano ti bilang ti dishonorably discharged iti serbisio.

RELATED ARTICLESMORE FROM AUTHOR