LAOAG CITY – Naisublin iti umno a rates babaen iti tax code ti excise taxes iti liquefied petroleum gas ken kerosene kalpasan a sinertipikaran ti Department of Energy a bimmaba iti $80 tunggal bariles iti one-month average Dubai crude oil price idi Hunio.
Nagsubli iti excise tax iti LPG iti P3.36 iti kada kilo ken ti kerosene ket naisubli iti P5.60 iti kada litro.
Maipalagip a sinuspenso ni Presidente Ferdinand Marcos Jr. ti excise taxes iti LPG ken kerosene idi Abril kalpasan a ngimmato ti presio ti langis gapu iti US-Israeli attacks idiay Iran.
Basar iti Bureau of Internal Revenue, ti one-month average Dubai crude oil price ket $79.45 tunggal bariles manipud Hunio 1 agingga 30 basar iti Mean of Platts Singapore.
Ngimmato iti 7.2 porsiento iti inflation iti pagilian idi Abril ngem bimmaba iti 6.4 porsiento idi Hunio kabayatan ti panagbaba ti langis.
Kuna ni National Statistician Claire Dennis Mapa a makitkitana met a makaapektar iti inflation ti pagilian iti gubat idiay Middle East gapu ta dakkel latta ti kontribusion ti transpostation costs iti inflation number.
Inpangato ti Bangko Sentral ng Pilipinas ti interest rates ti 25 basis points iti 4.75 porsiento idi Hunio.
Segun iti central bank, nagtalinaed a nangato ti global oil ken presio ti fertilizer ken agtultuloy a mangituntunda iti panagngato iti presio ti domestic fuel ken taraon.
