LAOAG CITY – Inlawlawag ni Ms. Kimberly Miguel, regional Science Communication Cluster Coordinar a ti Farm and Industry Engagement through the Science and Technology Agenda (FIESTA) a mangrugi a maiyuswat intuno Nobiembre 22 ti Mariano Marcos State University iti siudad ti Batac ket maysa a convergence platform.
Inbatad na a daytoy ket maysa nga extension modality a tapno dagiti nagduduma a tekonolohiya a napartuat ket maidanon iti komunidad ken maallukoy dagiti investors a mangadaptar iti daytoy.
Kuna na a babaen iti daytoy ket manamnama a dagiti nasao a teknolohiya ket ad-adda nga agserbi iti publiko babaen met iti partnership a maestablisar babaen iti commercialization.
Immuna iti daytoy, inpakaammo ni Miguel a ti FIESTA ket kangrunaan target dagiti mannalon, dagiti babbai ken ubbing iti komunidad nga agkalikagum nga agbalin a paset ti Micro Small Medium Enterprises babaen kadagiti kabaroanan a teknolohiya.
Kabayatanna, kuna ni Dr. Sherlyn Nicolas, Regional Technonology Transfer cluster coordinator nga iti umuna nga adaw ti FIESTA, malukatan ti veggie exhibit nu sadino a kangrunaan a kabinnuling da ti Department of Agriculture.
Inbatad na a sumaruno ditoy ti Cook Fest kadagiti estudyanet ken kalpasan na ti Cook Show.
Mainaig iti daytoy, inpakaammo na nga iti Nobiembre 23, maiyuswat ti Farmers Forum ken panagngudo a programa iti malem.
Inlawlawag ni Nicolas a saan met laeng a limitado kadagiti mannalon dagiti mabalin a makipagpaset iti FIEST ngem siasinoman nga umili ditoy probinsya ken libre ti pannakaipagpartisipar iti daytoy.
Naamoan a ti FIESTA ket agserbi pay nga One stop information ken one stop technology shop para kadagiti kaprobinsyaan.
Immuna met a naiyuswat daytoy idi 2019 wenno sakbay a nangrugi ti covid-19 pandemic.
