LAOAG CITY – Aminado ni Father Jose Francisco Peralta Jr., Rector ti College Seminary iti ili ti Bacarra a ti madi nga angot ket manipud iti dua a native a baboy nga adda iti arubayan ti seminaryo.
Segun kenni Father Peralta, gapo iti panagtudo na ket nabasa ti daga nga ayan dagiti dua a baboy.
Mainaig iti daytoy, inbatad na nga adda metten ti plano da a mangiyakar iti pagtaraknan ti baboy.
Nupay kasta, kunana a maaramid da daytoy apaman a malpas ti programa ken ado pay ti masapol a maiplastar iti pakaiyakaran dagitoy.
Kabayatanna, dimmawat ti despensar ni Father Peralta kadagti maapektaran iti madi nga angot nga aggapo iti baboy a taraken.
Ummuna iti daytoy, adda ti dimmanon iti Bombo Radyo Laoag a reklamo paseknan iti pannakadisturbar ti klase dagiti estudyante ti Bacarra National Comprehensive High School gapo iti nabangsit nga angot manipud iti ayan dagiti baboy.
