LAOAG CTITY – Nagballaag ti Food and Drug Administration (FDA) kontra iti panaggatang ken panagusar iti unauthorized cosmetic product a “Nu-Pore K-Beauty Aloe-Lujah Calming Facial Jelly.”
Segun iti FDA Advisory No. 2024-1200, daytoy a produkto ket saan a nairehistro ken saan a dimmalan iti umno a panagsukisok iti ahensia, isu a mabalin a mangpataud iti peggad iti salun-at kadagiti agus-usar.
Dagiti produkto a saan nga autorisado ti ahensia ket mabalin a maaddaan kadagiti napeggad a ramen a mabalin a mangpataud kadagiti saan a ninamnama a reaksion kas iti irritation, panagbudo, ken allergic reactions.
Binalakadan ti ahensia ti publiko nga agannad ken siguraduen a nairehistro dagiti nagatang ken maususar a kosmetiko.
