LAOAG CITY – Rinugianen ti Kamara de Representantes ti deliberasion iti dua a gakat a gagem a palawaen ti social welfare, ilungalong ti career flexibility ken ingato ti kalidad ti health support para kadagiti senior citizen ken dagiti empleado ti gobierno.
Dagitoy a gakat nga agpada nga ilunglungalong ni Agimat Party-list Rep. Bryan Revilla ket ti House Bill No. 281 (Abot-kayang Gamot, Bitamina, at Gatas para sa Malusog na Senior Citizen Act) ken House Bill No. 280 (Lowering of Optional Retirement Age for Government Workers Act).
Iti panagdengngeg ti House Committee on Senior Citizens, inpetteng ni Revilla ti alisto a kasapulan a maipasa ti HB 281 a gagem nga iraman iti maipatpatungpal a 20 % discount ken Value-Added Tax (VAT) exemption dagiti senior citizens dagiti vitamins, supplements, herbal products ken formulated milk.
