LAOAG CITY – Inpakaamo ni Sangguniang Panlungsod Member (SPM) John Michael Fariñas nga adda ti maibunong a first aid kit wenno emergency kit kadagiti tricycle driver ditoy siudad ti Laoag.
Segun kenkuana a dakkel a tulong daytoy para kenkuada aglalo ket kanayonda iti ruwar ken tapno nasalsaluad iti panagpasada dagitoy.
Inbatadna nga adda dagiti tricycle driver a nabunonganen ken sumarsaruno met dagiti dadduma pay.
Kinunana a daytoy nga emergency kit ket naglaon kas iti band-aid, alcohol ken nagduduma pay a mabalin a pag-agas no adda dagiti saan a mapakpakadaan a pasamak.
Innayon pay ni Sangguniang Panlungsod Member (SPM) Fariñas a daytoy a programa ket maysa kadagiti nailatangan ti pundo babaen iti lokal a gobierno ditoy siudad.
