LAOAG CITY – Naipatungpal ti French-Chinese satellite tapno agsawar ken maaddaan ti nalawlawa a pannakaawat iti law-ang.
Ti nasao a satellite ket binukel dagiti inhinyero ti France ken China.
Daytoy ket ti Space Variable Objects Monitor (SVOM) nga agbirbiruk ti gamma-ray bursts, wenno raniag nga agbibiyahe ti binilyon a light years tapno makadanun iti Earth.
Naamoan a ti 930-kilogram satellite nga addaan ti uppat nga instruments, dua a French ken dua a Chinese, ket nagtayab a nakalugan ti Chinese Long March 2-C rocket manipod iti space base iti Xichang, Sichuan.
Masansan a mapaspasamak ti gamma-ray bursts kalpasan ti panagbettak ti maysa a dakkel a bitwen a dagitoy ket manin-20 a daras a dakdakkel ngem ti init.
