LAOAG CITY – Nagballaag ti World Health Organization nga al-alisto ti panagwaras ti Ebola iti Congo ken Uganda ngem iti kabaelan dagiti responder a solbaren daytoy.
Inbatad ni Tedros Adhanom Ghebreyesus nga umaboten iti 220 ti mapapati a natay ken manamnama pay ti situasion.
Agturong isuna idiay Congo kaduana ni health emergencies official a ni Chikwe Ihekweazu.
Umaboten iti pito ti kumpirmado a kaso idiay Uganda ken adda iti risgo dagiti kaparanget a pagilian.
Kuna ni Tedros, nagbalin nga ad-adda a kumplikado ti panagkontrol iti alisto nga outbreak gapu iti kinaawan ti seguridad kadagiti probinsia ti Ituri ken North Kivu idiay Congo ken awan pay ti aprubado a bakuna para iti Bundibugyo virus.
