LAOAG CITY – Mabalin a maestablisar iti genomic screening ti risgo iti maysa a maladaga a maaddaan ti sumagmamano a nakaro a sakit sakbay pay a rumuar wenno makita dagiti sintomas na.
Segun ken ni Dr. Robert C. Green ng Harvard Medical School, makatulong ti “preventive genomics” tapno nasapsapa a maestablisar dagiti sakit a mabalin a malapdan wenno maagasan.
Iti nalawlawa a genomic screening, mabalin a matingiting ti risgo iti ginasut a kondisyon.
Iti maysa a proyekto iti Estados Unidos, target a ma-screen ti agingga iti 30,000 a maladaga para iti nasurok a 750 a kondisyon.
Nupay kasta, saanna a kayat a sawen ti positibo a resulta a sigurado a maaddaan ti sakit ti maladaga no di ket ipakpakita na laeng ti possible a genetic risk a mabalin nga agkasapulan ti kanayunan a panangtingiting wenno regular a monitoring.
Adda pay ti panagamak iti privacy, gastos ken epekto na kadagiti nagannak no maamoan da nga adda ti posibilidad a maaddaan ti nakaro aa sakit ti anak da.
Inrakurak ni Green a mabalin a makaisalakan ti biag ti nasapa a pannakaestablisar iti genetic risks gapu ta makaipaay daytoy ti gundaway a malapdan wenno maagasan ti sumagmamano a sakit sakbay pay a kumaro.
