LAOAG CITY – Insuko man ti Barangay Ginebra ti iggem a 15-point lead iti third period ket saanda met nga inted ti balligi iti TNT Tropang Giga.
Niresbakan ti Gin Kings ti Tropang Giga iti Game Two, 71-70, tampok ti depensa ni import Rondae Hollis-Jefferson iti maudi a 7.3 a segundo iti Game Two ti Season 49 PBA Commissioner’s Cup Finals iti MOA Arena idiay Pasay City.
Nakaaramid ni import Justin Brownlee ti 35 points ken 11 rebounds tapno itabla ti Ginebra iti 1-1 iti best-of-seven championship series-da ti TNT iti sangoanan dagiti 12,625 fans.
Nakabangon ti Tropang Giga manipud iti 19-34 iti panangrugi ti third quarter tapno agawen ti 70-67 a lamang iti 2:31 a minuto ti fourth period manipud iti dua a nagsaruno a three-point shots da Calvin Oftana ken Roger Pogoy ken dua a free throws ni Hollis-Jefferson.
Ti drive ken dua a foul shots ni Brownlee ti nangipaay manen iti Gin Kings ti 71-70 nga abante iti maudi a 46.9 a segundo.
Iti maudi a posesyon ti TNT ket naibus ti oras ni Hollis-Jefferson iggem ti bola agingga iti panaguni ti final buzzer.
