LAOAG CITY – Agarup 31 nga indibidual ti pimmusay ken ginasot a foreign tourist ti mapupukaw kalpasan ti nakaro a panaglayus iti Nepa-Tibet border.
Segun iti Nepal tourist board, pakairamanan kadagiti mapukpukaw a turista ket sumurok 100 nga indibidual manipud India ken 12 iti United Kingdom.
Inbatad ti Nepal foreign minister a ti panaglayus ket mabalin a gapu iti nakaro a gingined.
Kabayatanna, daytoy ti naideklarar a most devastating disaster iti Nepal manipud idi tawen 2015 a gingined no sadiino a pimmusay ti 9,000 nga indibidual.
