LAOAG CITY – Naarestar ti maysa nga kontraktor iti siudad ti Laoag gapu iti kasona nga Estafa.
Naiserbi ti Warrant of Arrest iti babaen ti personnel ti Laoag City Police Station a nangitunda ti pannakaarestar.
Basar kadagiti otoridad, ti suspek ket agtawen ti 32, maysa a kontraktor ken residente ti siudad.
Ti Warrant of Arrest ket naisyu gapu iti Violation of Failure to Appear Before the Court Schedule Hearing wenno Estafa ket narekomendaran ti P30,000 a gatad a piansa para iti temporario a pannakawaya-wayana.
Kabayatanna, manarimaan nga adda iti kustodiar iti Laoag City Police Station ti suspek para iti naan-anay a dokumentasion sakbay a maisubli daytoy iti korte.
