LAOAG CITY – Nangiparuk-at ti warrant of arrest ti Quezon City Regional Trial Court kontra ken ni Bise Presidente Sara Duterte mainaig dagiti sangsangoenna a kaso ti grave threats.
Gapu iti daytoy, opisial a nangiparuk-at ti rakurak ti legal counsel ti Bise President a ni Atty. Paul Lawrence Lim mainaig iti warrant.
Inpaganetget ni Lim nga awan ti aniaman nga intension ti Bise Presidente a libasan wenno liklikan iti proseso ti linteg kabayatan dagiti maipapan mainaig iti hurisdiksion ti korte.
Nupay kasta, usaren ti partido ni Duterte ti amin dagiti maitutop ken usaren ti legal a remedio tapno sangoen ken sungbatan dagiti akusasion maipapan ti legal iti korte.
Rimuar daytoy a saritaan kabayatan ti agtultuloy nga impeachment trial kontra ken ni Duterte.
Ti impeachment court ket addan iti maika-21 nga aldaw idi Mierkoles no sadinno naidasar a testigo ni dati a Department of Education Undersecretary Michael Poa a maysa kadagiti abogado ni Duterte.
