LAOAG CITY – Balligi a naarestar ti dua a lalaki kalpasan ti naiyuswat a drug buy-bust operation iti Brgy. 2 ditoy siudad ti Laoag.
Nabigbig dagiti suspek a maysa nga agtawen ti 22, taga Brgy. 27 Sulbec, Pasuquin, Ilocos Norte ken manarimaan nga agtaltalinaed iti Brgy. 3 iti siudad ti Laoag ken maysa nga agtawen ti 35 a residente ti Brgy. 54-B Camanggaan iti siudad.
Ti pannakaarestar dagiti suspek ket babaen iti nagtitipon a puersa ti Laoag City Police Station (Lead Unit) ken dagiti nagduduma nga ahensia.
Nakumpiskar manipud kadagiti suspek ti maysa a heat sealed transparent plastic sachet nga addaan ti maipagarup shabu a subject of sale, walo a pidaso a heat sealed transparent plastic sachets nga addaan ti maipagarup sumurok-kumurang nga 11.6 a gramo a kadagsen a shabu nga addaan ti standard value a PhP78,880.00, maysa a black sling bag maysa nga open transparent plastic sachet; maysa black power bank, dua a pidaso ti live ammunition for caliber 380, maysa a pidaso a magazine ti caliber 380 nga addaan ti dua a live ammunition para iti caliber 380, maysa a genuine One Thousand Peso Bill a nausar kas buy bust money ken maysa nga unit ti cellphone.
Sumangsango ti panaglabsing dagiti suspek ti violation of Sections 5 ken 11, Article II ti Republic Act 9165 ken Republic Act 10591 ket naisaganan ti panakaipila ti kaso ti korte kontra kadagiti suspek.
