LAOAG CITY – Agpanpanawagan ni Senate President Sherwin Gatchalian para iti insigida a pannakaipatungpal ti rakurak a Granting Increase in Take-home Pay for All Working Filipinos (GINHAWA) Act.
Ibatadna a nu pay bimmaba ti headline inflation ket makitkita a ngimmato met ti core inflationna nga mangtaltalinaed iti nadagsen a presio dagiti magatang a mangituntunda iti bumasbassit a take-home pay dagiti Pilipino para iti pamiliada.
Inlawlawag ni Gatchalian a ti ilunglungalongna a gakat a GINHAWA a maipangato ti take-home pay dagiti agububra ket babaen ti panangipalawa ti income tax exemption threshold iti P400,000 manipud iti P250,000 a sueldo ken pannakaipangato iti limitasion ti tax-free a bonus iti P150,000 manipud P90,000.
Babaen ti Senate Bill No. 56 nga ilunglungalong ni Gatchalian ket mapalubusan pay dagiti micro
enterprise a pakairamanan dagiti sari-sari store, laundry shop, home-based salon, food stall ken dagiti babassit nga online seller nga ag-claim ti kanayunan pay a tax deduction a kapada ti 50% a gastos iti panagpasueldo.
