LAOAG CITY – Agtultuloy ti panangipaay iti City Government of Laoag kadagiti nadumaduma a programa ken serbisio para kadagiti umili babaen iti programa nga “Asenso Laoagueño” nu sadinno a bumisita iti lokal a gobierno dtoy ciudad kadagiti barbarangay.
Iti maudi a lawas ti bulan ti Hunyo, binisita ti city government iti Brgy. 34-b gabu norte.
Ti nasao nga aktibidad ket indaulwan ni Mayor Michael Marcos-Keon pakairamanan dagiti mangidadaulo kadagiti nagdudma a departamento ken dagiti kameng ti sangguniang panlungsod ken ni Bise Mayor Rey Carlos Farinas.
Segun kenni Keon, nagibunong da kadagiti nadumaduma a mobility devices para kadagiti residente iti nasao a barangay nga adda rangkapna ti bagi, kasta pay kadagiti agas ken vitamins para met kadagiti adda sagsagubanitna.
Innayon ti mayor a nagibunong da pay iti fish feeds, long line, life vests, vegetable seeds ken foliar fertilizer, multivitamis para iti livestock ken life insurance para kadagiti mannalon ken mangngalap iti nasao a barangay.
Nangipaay met dagiti dadduma pay a sangay ti gobierno siudad kadagiti nadumaduma a serbisio kas koma ti panagbayad iti amiliar ken sabali pay a buwis, pannakaipalista dagiti senior citizens ken dagiti mannalon para iti insurance da, pannaggabot ti ngipen ken panagibunong iti agas kadagiti agkasapulan.
Nagyaman ti mayor gapo ta makita na a naballigi iti nasao nga aktibidad ken babaen iti panagtitinulong dagiti empleyado ken opisyales iti city government.
