LAOAG CITY – Kinataripnong ni Laoag City Mayor James Bryan Alcid dagiti department heads iti lokal a gobierno ditoy siudad ti Laoag, pakairamanan pay ti Bureau of Fire Protection.
Daytoy ket para iti panagsagsagana iti epekto ti Super El Niño a possible a mangdadael iti sektor ti agrikultura iti pagilian aginggana intono Marso 2027.
Segun kenkuana, addo dagiti agpan-panic maipanggep iti daytoy a krisis isut gapuna a kinataripnong na dagiti department heads tapno maiyimplementar no ania dagiti mabalin nga aramiden.
Inpakaammona a karaman ditoy iti panagsagana ti El Niño Comprehensive El Niño Mitigation Response ken umno nga ubraen iti siudad kas pangkontra iti epekto ti Super El Niño.
Kabayatanna, inpanamnama na a tutukan ti gobierno siudad daytoy a problema ken kunana a saanna nga ipalubos nga adda ti uray maysa kadagiti umili iti mabaybay-an.
Immuna iti daytoy, nangilatang ti lokal a gobierno ditoy siudad iti P10 million a suporta kadagiti maapektaran ti pangta iti Super El Niño.
