LAOAG CITY – Nagpangta ti gobierno ti Estados Unidos nga i-ban na iti Harvard University manipod iti panagenrol dagiti gangannaet.
Daytoy ket kalpasan nga inrakurak ti nasao nga institusyon a saan da nga agruknoy kadagiti kiddaw manipod iti administrasyon ni President Donald Trump.
Immuna iti daytoy, kiniddaw ti White House a ti kataengan nga unibersidad iti Amerika ket agaramid kadagiti panagbalbaliw iti panagala, adminission ken dagiti teaching practices a patien ti gobierno a makatulong a manglaban iti antisemitism iti campus.
Inakusaran pay ni Homeland Security Secretary Kristi Noem ti pagadalan nga Ivy League school ti panagpangta ti “national security” ken panagparintumeng na iti antisemitism.
Kiniddaw na pay ti rekord dagiti ganganaet nga estudyante nga addaan ti illegal ken naranggas nga aktibidad.
Naamoan nga adda ti nasurok a 27 a porsiento a gangannaet nga estudyante ti nakaenrol iti nasao nga unibersidad ita a tawen.
Kabayatanna, inpetteng ni Harvard President Alan Garber a saan nga isuko ti unibersidad ti wayawaya na wenno isardengna ti constitutional rights na.
